• Айна
• 17 Қаңтар, 2024

Алматыда электрлі самокаттың қатысуымен болатын жол апаттар саны азайған

Алматыда бір жыл ішінде кикшерингтік электрлі самокаттармен жүретіндер саны екі есе өскен.

Алматы қалалық мобильділік басқармасының мәліметінше, қалада бүгінгі күні 17 мың кикшерингтік (бірлесіп пайдалану сервистері) самокат бар. Өткен жылы олармен 14 млн-нан астам сапар жасалған, бұл 2022 жылғы көрсеткіштен екі есе көп. Сондай-ақ, олардың қатысуымен болған жол апаты саны 2023 жылы 35% - ға, яғни, 41-ден 27-ге дейін азайған.

Сонымен қатар, «АlmatyBike» велосипедті жалға алу автоматтандырылған жүйесінде 800-ге жуық велосипед тіркелген, велосипедті белсенді түрде жалға алатын 1,8 мыңнан астам адам бар, олар бір жыл ішінде 336 мыңнан астам сапар жасаған.

«Айта кетерлігі, биылғы жылы Алматыда көшелердің шамамен 20 шақырымына веложол жобаларын әзірлеу жоспарлануда. Мегаполисте барлығы 92 шақырымға жуық велоинфрақұрылым жабдықталған. Веложолақтардың ұзындығы - 25 шақырым, ал веложолдардың ұзындығы – 67 шақырым», - деп хабарлады қалалық әкімдіктің баспасөз қызметі.

Алматы әкімдігінің жобалық офисінде электрлі самокаттарды жүргізушілерге қауіпсіздік ережелерін еске салды:

1. Тек велосипед жолы, велосипед жолағымен жүру керек. Ол болмаған кезде жолдың жүріс бөлігінің оң жақ шетімен, оның ішінде маршруттық көлік құралдарына арналған жолақ бойынша; жаяу жүргіншілердің жүруіне қауіп төндірмей, жылдамдығы сағатына 6 шақырымнан аспайтын тротуар немесе жаяу жүргінші жолы бойынша қозғалу керек.

2. Жолдың жүріс бөлігінің оң жақ шетімен, оның ішінде он сегіз жасқа толмағандарға, самокат жүргізушілерге арналған жолақпен жүруге; кез келген санаттағы көлік құралын басқару құқығына жүргізуші куәлігінсіз немесе жүргізуші куәлігінің орнына берілген уақытша куәліксіз жүруге жол берілмейді.

3. Электр мопед, электр самокат пен велосипедтердің жүргізушілеріне: рөлді кем дегенде бір қолмен ұстамай жүруге; жолаушыларды тасымалдауға арналған арнайы құрылғылары бар велосипедтер мен мопедтермен тасымалдаудан басқа жолаушыларды тасымалдауға; арнайы құрылғылары бар велосипедтер мен мопедтермен жүкті, сондай-ақ арнайы құрылғылары бар жүкті тасымалдаудан басқа жүкті тасымалдауға тыйым салынады, габариттердің ұзындығы немесе ені бойынша 50 сантиметрге; осы бағытта жүру үшін трамвай қозғалысы бар жолдарда және бір жолақтан артық жолдарда солға қарай бұрылуға; көлік құралында жүре отырып, жаяу жүргіншілер өткелдері бойынша жолдың жүріс бөлігін кесіп өтуге; қараңғы уақытта жолдың жүріс бөлігі бойынша басқа көлік құралдарының жүргізушілеріне көрінуді қамтамасыз ететін жол ережесінің талаптарына сәйкес келетін жарық шағылыстыратын затсыз жүруге; жолдың жүріс бөлігінде басқару кезінде түймеленген шлемсіз болуы тиіс.

«Бұзушылықтарға жол беру кезінде жауапкершілік көзделген: жолаушылар мен жүктерді тасымалдағаны үшін (ҚР ӘҚБтК 593-бабы, 5 АЕК айыппұлы), сондай-ақ жол қозғалысына қатысушыларға қойылатын өзге де талаптарды бұзғаны үшін (ҚР ӘҚБтК 620-бабы) ескерту немесе айыппұл (3 АЕК) көзделген», - деп ескертті әкімдікте.

Фото: ашық дереккөз