- АҚПАРАТ АҒЫНЫ
- 23 Қаңтар, 2024
Алматыдағы зілзала кезінде 11 мың адам арнайы қауіпсіз орында түнеп шыққан
Бұл туралы Алматы қаласы ТЖД бастығы Нұрлан Атығаев брифинг барысында мәлім етті.
«Біздің қалада 384 нысан бар, бұл — 229 мектеп және 115 балабақша. Оның барлығы сейсмикалық тұрақты. Түнде сол жерде күзет жұмыс істеді. Бір жарым сағат ішінде мектеп қызметкерлері сол жерлерге келіп, халықты қабылдады», — деп түсіндірді ТЖД басшысы.
Оның айтуынша, реттеуші құжаттарға сәйкес әкімшіліктің халықты жинау пунктерінің келу және ашылу уақыты қыс мезгілінде — 1,5 сағат, жазда — 1 сағат.
Белгіленген уақытқа дейін бүкіл жинау нүктелері ашылды.
«Мегаполис тұрғындарын қабылдау пунктеріне 11 мыңнан астам адам жүгінді, оның ішінде 3,5 мың бала бар. Қазіргі уақытта 1000-нан астам адам бар, оның барлығы осы сағат аралығында үйлеріне қайтады», — Нұрлан Атығаев.
Фото: Досжан Балабекұлы
283 рет
көрсетілді0
пікір