• Аймақ тынысы
• 29 Қаңтар, 2024

Алматы облысында қарт әйелді тұншықтырып тонап кеткен ер адамдар ұсталды

Алматы облысында қарт әйелді тұншықтырып, оны тонап кеткен ер адамдар ұсталды. Бұл туралы Ішкі Істер министрлігінің баспасөз қызметі хабарлады.

Еңбекшіқазақ ауданының полициясына 81 жастағы жергілікті тұрғын арызданды. Ол өз арызында медициналық бетперде киген екі бейтаныс адам үйінің ауласына кіріп, оны тұншықтырып, ұялы телефон мен қолма-қол ақшасын ұрлап кеткенін баяндаған.

"28 қаңтарда жедел-іздестіру іс-шарасы барысында 1978 және 1989 жылғы екі Алматы тұрғыны ұсталды. Олар өз қылмыстарын толығымен мойындаған.

Полиция қызметкерлері істің мән-жайларын толық, жан-жақты және объективті тергеуді қамтамасыз ету үшін сараптамалық зерттеу тағайындаумен барлық қажетті тергеу әрекеттерін жүргізіп жатыр. Ұсталғандардың басқа да осыған ұқсас қылмыстарға қатыстылығы тексеріліп жатыр", - делінген хабарламада.

Фото: polisia.kz