• Құмсағат
• 05 Ақпан, 2024

Фуджейра қаласындағы халықаралық жарыстан үш спортшымыз күміс жүлде иеленді

Біріккен Араб Әмірліктерінің Фуджейра қаласында таеквондодан G2 санатындағы халықаралық жарыс аяқталды.  Бұл туралы Ұлттық олимпиада комитетінің баспасөз қызметі хабарлады.

Дүбірлі додада үш спортшымыз финалға шығып, күміс жүлдегер атанды. Олар -  Аманбол Бегімбетов (63 келі), Ясмина Нарбаева (62 келі) және Жансель Дениз (73 келі). 

Батырхан Төлеуғали (80 келі), Бексұлтан Мұсахан (68 келі), Ерасыл Орынбасар (74 келі), Нұрлан Мырзабаевтар (87 келі) жартылай финалда сүрініп, өз салмағында үздік үштікті түйіндеді.

Фото: Olympic.kz