• Аймақ тынысы
• 10 Ақпан, 2024

Степногор қаласының тұрғындары жылу және электр жарығынан ажыратылды

Степногор қаласында жылу энергия орталығындағы апатқа байланысты тұрғындар жылу және электр жарығынан ажыратылды. Қазіргі кезде қалада қалпына келтіру жұмыстары жүргізіліп жатыр, - деп хабарлайды Степногор қаласының әкімдігі.

«10 ақпанда сағат 13:27–де 220кВ КЕГОК желісі бойынша электр энергиясы сөндірілді, 14:07-де электр энергиясын беру қалпына келтірілді, 14:15-те бесінші энергетикалық қазандық пен су жылыту қазандығын жағу басталды, 14:20-да жылу трассасында айналымды қалпына келтіру үшін желілік сорғы іске қосылды, «Степногорск Теплотранзит» ЖШС сорғыларды іске қосады», - делінген қала әкімдігінің мәліметінде.