Тікелей эфир
Тікелей эфир
МАҢЫЗДЫ
  • Аймақ тынысы
  • 19 Ақпан, 2024

Атырау облысында жоғалған 4 адам аман-есен табылды

19 ақпанда сағат 00:50-де құтқару қызметінің байланыс бекетіне Мақат ауданы Мақат ауылының тұрғындары мал іздеуге шығып, елді мекенге кері оралмаған туралы шақырту түсті. Құтқарушылар шақырту түскен уақыттан бастап дереу іздестіру-құтқару жұмыстарына жұмылдырылды. Бұл туралы Атырау облысы ТЖД баспасөз қызметі хабарлады. 

Айта кетейік, жоғалған адамдар 2024 жылғы 18 ақпанда сағат 08:00-де Мақат ауылынан  60 км қашықтықта орналасқан қыстақтардың біріне қарай Тойота автокөлігімен мал іздеу мақсатында жолға шыққан. Автокөлікте 4 адам оның ішінде 1 бала болған.

Атырау облысы Төтенше жағдайлар департаменті, Полиция департаменті, жоғалғандардың туыстары жаяу түрде және  автокөлікпен іздестіру-құтқару жұмыстарын  жүргізді.

Сонымен қатар 19 қаңтарда сағат 14:00-де әуеден барлау жүргізу үшін ТЖМ тікұшағы (бортында 5 экипаж) тартылды.

Іздестіру-құтқару жұмыстары сәтті аяқталып, нәтижесінде сағат 14:40-та ТЖД күштерімен жоғалған адамдар  елді – мекеннен 80 км қашықтықта аман-есен табылды. Анықталғандай, автокөліктері батпақты жерге батып, шыға алмай қалған. Абырой болғанда зардап шеккендер жоқ. Табылған адамдар медициналық көмекті қажет етпеді.

Құрметті облыс тұрғындары мен қонақтары  дауылды алдын ала ескертулерді, ауа райының өзгерісін, жолдардың жабылуы туралы «112» құтқару қызметінен келген хабарламаларды бақылап, алыс сапарларға шықпауға шақырамыз.

Іздестіру–құтқару жұмыстарына Атырау облысы Төтенше жағдайлар департаментінен, АПБ, туыстарынан барлығы 18 адам 5 бірлік техника жұмылдырылды.

Фото: көрнекі / ашық дереккөз

183 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз