• Айна
• 08 Сәуір, 2024

Айнұр Нүкенова сотта Бишімбаев пен Нүкенова екі рет діни неке қиғанын айтты

Астанада аса қатігездікпен әйелі Салтанат Нүкенованы өлтірді деп айыпталған экс-министр Қуандық Бишімбаевтың соты жалғасып жатыр.

Бүгін сотқа куәгер ретінде Салтанат Нүкенованың туысы Айнұр Нүкенова қатысып, ол Бишімбаев пен Салтанат Нүкенова неге мешітте екі рет діни жолмен неке қиғанын айтты.
Салтанат Айнұр Нүкеноваға Бишімбаев үш рет талақ берген соң мешітте екінші рет неке қиғанын айтқан.
Айнұр Нүкенова Салтанаттың тойдан кейін байланысқа шықпай, кездесуге уақыт таппай кеткен кездері болғанын, өзінен бірнеше рет Салтанаттың қарызға ақша сұрағанын, тойға дейін ол ешқашан ақшаға мұқтаж болмағанын және ай сайын 3 миллионға жуық табыс тапқанын айтты.

 

Фото видеодан алынды