• Айна
• 11 Сәуір, 2024

Су тасқыны: Ивановка ауылында 45 тұрғын үй су астында қалды

Құтқарушылар Ақмола облысында халыққа көмек көрсетуді жалғастыруда. 

Егістіктен еріген қар суының Жолболды өзеніне ағуына байланысты Ивановка ауылында өзен суы арнасынан шықты. Нәтижесінде 45 тұрғын үй су астында қалды. ҚР ҚМ тікұшағымен және ТРЭКОЛ өтімділігі жоғары машинамен эвакуациялау пунктіне 52 адам, оның ішінде 21 бала эвакуацияланды. Су тасқыны аймағынан 160-қа жуық жануарлар мен 520 үй құстары құтқарылды.