• Айна
• 13 Сәуір, 2024

Астанада жас ғалымдар саммиті өтті

Астанада жас ғалымдар саммиті өтті. Іс-шараға Қазақстан мен шетелдің университеттері мен ғылыми ұйымдарының жас ғалымдары қатысты.

Ғылым қызметкерлері күніне орайластырылған саммит қазіргі заманғы медициналық білім мен ғылымның белгілі қайраткерлерімен диалог пен тәжірибе алмасу үшін платформа құруға арналған. Форумның қонақтары мен қатысушылары – жас ғалымдар, докторанттар, зерттеу орталықтары мен университеттердің қызметкерлері, мемлекеттік сектордың, бизнес пен компаниялардың өкілдері, сондай-ақ ТМД, Еуропа және Азия елдерінен келген шетелдік жас ғалымдар.

Ғылым және жоғары білім министрі Саясат Нұрбек іс-шара қатысушыларын бейне құттықтау жолдады. Министр өз сөзінде еліміздегі ғылым мен жас ғалымдарды қолдау шараларына кеңінен тоқталды.

Саммит барысында «Жас ғалымдардың тәжірибесі: мүмкіндіктері мен болашағы» тақырыбында сессия өтті. Спикерлер әртүрлі ғылыми салалардағы жетістіктері мен ғылыми жобаларымен бөлісті. Талқылау Қазақстанның ғылыми қоғамдастығындағы жас ғалымдардың мүмкіндіктері мен перспективаларын анықтауға, сондай-ақ Қазақстандағы жастардың ғылыми қызметін одан әрі дамыту жолдарын іздеуге бағытталған.

Сонымен қатар іс-шара барысында Жас ғалымдар кеңесінің жаңа құрамының отырысы өтеді деп жоспарланып отыр.

Айта кетейік, Саммиттің екінші бөлігі Түркістанда Халықаралық ғылыми-техникалық орталықта өтеді. Атап айтқанда, воркшоп өткізу, жас ғалымдардың жобаларын таныстыру және Жапониядан келген сарапшылармен кездесулер өткізу жоспарланған. Тақырыптарға пәнаралық ынтымақтастық, Халықаралық ынтымақтастық, жасанды интеллект және ғарыш, климаттың өзгеруі, Денсаулық сақтау және медицина, ғылым мен өнеркәсіптің ынтымақтастығы кіреді.

Фото: gov.kz