• УЙҒУР АВАЗИ
• 17 Мамыр, 2010

«Достлуқ эстафетиси»

Ғалибийәт мәйрими һарписида Яркәнттин кәлгән чегаричиларниң «Достлуқ эстафетисини» Чонҗидики 2534-чегара һәрбий қисмиға тапшуруш тәнтәниси болуп өтти. Истираһәт беғи йенидики ядикарлиқ алдида отряд чегаричилири, уруш вә әмгәк ветеранлири, мәктәп оқуғучилири сәп түзәп турғандин кейин, отрядниң штаб башлиғи Қ.Стамбеков мәзкүр чарә-тәдбирниң әһмийитигә, униң яшларни вәтәнпәрвәрлик роһта тәрбийиләштики ролиға тәпсилий тохталди. Андин эстафетиниң тапшурулушиға бағлиқ, наһийәлик уруш вә әмгәк ветеранлири кеңишиниң рәиси Н.Сейитов, наһийә һакиминиң орунбасари Қ.Бекмуханбетов, «Нур Отан» ХДП наһийәлик шөбиси рәисиниң биринчи орунбасари Н.Есжанов, чегаричи ветеранлар кеңишиниң рәиси А.Марчев өз пикирлирини изһар қилди.

Оркестр чалған музыка садаси астида ядикарлиққа гүлчәмбәрләр қоюлди. Ахирида концерт көрситилди. Кәлгүсидә эстафета Қирғизстан, Өзбәкстан, Таҗикстан, қисқиси, МДҺ әллири чегарилирини бойлап давамлишиду.

Нурмәһәммәт ИХАЗОВ.