Алматы облысының полицейлері 15 жастағы батырға құрмет көрсетті

280

Алматы облысы Полиция департаменті басшылығы суға кеткен ер адамды құтқарған жасөспірім марапатталды.  Алматы облысы ПД бастығы Серік Кудебаевтың бұйрығымен батып бара жатқан адамды құтқарып, ерлік көрсеткен “Арыстан” мамандандырылған лицейінің 11 сынып оқушысы Мирас Бейсен марапатқа ие болды.

«Жас бала қауіпті жағдайда дұрыс бағамдап, ерлік көрсетіп, ағысы қатты өзенге түсіп, ер адамды өлім аузынан алып қалды. Тұйық, дегенмен жүрегінің түгі бар, азаматтық көзқарасы жоғары жас батыр болашақ құқықтық тәртіптің сақшысы ретінде ерлік ісін өзінің міндеті санайды. Мирастың ата-анасына осындай азаматты тәрбиелегені үшін, ал оқытушы құрамға курсатты ел патриоты, асқан жауапты және ел алдында міндетке дайындығы үшін үлкен алғысымызды білдіреміз», – деп атап өтті облыстық ПД бастығының орынбасары Ораз Жолдасов.

Салтанатты табыстау рәсімі Талғар ауданы Полиция басқармасында өтті. Алматы облысы ПД бастығының орынбасары Ораз Жолдасов 2020 жылғы 3 маусымдағы №372 бұйрықты оқып, жас батырдың ата-анасына гүл шоғы мен алғыс хатты табыстады. Ал, ерлігімен көзге түскен жасөспірімге естелік таңбасы бар құнды сыйлық – атаулы қол сағаты табысталды.

 




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *