9998eeb9473a3686f7401c17d1bd7492_crop_l_39_t_19_w_1085_h_610

ҚР Президентінің Әкімшілігі Басшысының бірінші орынбасары тағайындалды

Марат Тәжин ҚР Президентінің Әкімшілігі Басшысының бірінші орынбасары қызметіне тағайындалды, деп хабарлайды Ақорданың баспасөз қызметі.

 «Марат Мұханбетқазыұлы Тәжин Қазақстан Республикасы Президентінің Әкімшілігі Басшысының бірінші орынбасары болып тағайындалсын, ол Қазақстан Республикасының Ресей Федерациясындағы Төтенше және Өкілетті Елшісі қызметінен босатылсын», — делінген Мемлекет басшысының Жарлығында.

Марат Мұхамбетқазыұлы Тәжин — әлеуметтану ғылымдарының докторы, профессор.
1960 жылы 8 сәуірде Ақтөбе қаласында туған. Алматы халық шаруашылығы институтын және С.М.Киров атындағы Қазақ мемлекеттік университетінің аспирантурасын бітірген. Әлеуметтану ғылымдарының докторы, профессор.
Қазақстан Республикасы Ұлттық қауіпсіздік комитетін басқарды. Ұлттық қауіпсіздік мәселелері жөніндегі Президенттің көмекшісі — Қазақстан Республикасы Қауіпсіздік Кеңесінің Хатшысы.

Президенті Әкімшілігі Басшысының бірінші орынбасары. 2007 ж. қантардың 11-інде Мемлекет басшысының Жарлығымен Қазақстан Республикасы Сыртқы істер министрі болып тағайындалды.

2013 жылдың 16 қаңтар күні Президент өкімімен Қазақстан Республикасының Мемлекеттік хатшысы болып тағайындалды.

2014 жылдан бері бүгінге дейін Қазақстанның Ресей Федерациясындағы Төтенше және Өкілетті Елшісі болып қызмет етті.




Пікір қалдыру