100 йеңи исим — хәлиққә үлгә

65

Дүшәнбә күни Әхбарат вә коммуникациялар министрлигиниң йенидики Җәмийәтлик кеңәшниң новәттики мәҗлиси өтти. Униңға Парламент депутатлири, Әхбарат вә коммуникациялар министри Даурен Абаев, Җәмийәтлик кеңәшниң әзалири қатнашти. Мәҗлис депутати Қуаныш Султанов рәислигидә өткән мәҗлистә Президентниң «Келәчәккә нишан: мәнивий йеңилиниш» программилиқ мақалисини хәлиқ ичидә кәң тәшвиқат қилиш ишлири муһакимә қилинди. Мәҗлистә сөз алған Әхбарат вә коммуникациялар министри Д.Абаев йеқиндила йәкүни чиқирилған «Қазақстанниң 100 йеңи исми» лайиһиси бойичә планланған ишлар һәққидә әхбарат бәрди.

«Биз түнүгүнла Дөләт рәһбириниң қатнишиши билән чоң мәҗлис өткүздуқ. Мәҗлистә җәмийәттә қизғин муһакимә қилинип, җиддий тәһлилдин өткән «Қазақстанниң 100 йеңи исми» ениқлинип, елан қилинди. Мәзкүр лайиһә даирисидә йол хәритисини тәйярлидуқ. Нәтиҗидә келәр жили мошу илғар йүзлүккә киргән шәхсләргә беғишланған 100 теленовелла чүширилиду дегән үмүт бар», деди министр һәм 100 йеңи исим қатарида лайиһигә қатнашқан 2100 адәмму диққәт нәзәридин сирт қалмайдиғанлиғини ейтти.

«Қазақстанниң 100 йеңи исми» лайиһисиниң илғарлирини тонуштурғанда, Президент умумән тизимға қанчә адәм тиркәлгәнлигини сориди. Мән 2100 адәм қатнашқанлиғини ейттим. Дөләт рәһбири шу 2100 адәмниң нәзәрдин сирт қалмаслиғини, уларниму хәлиққә үлгә қилип көрситишниң муһимлиғини қәйт қилди. Шуңлашқа биз бу адәмләрниң яшлар билән учришип, очуқ дәрисләрни өткүзүшини мәхсәт қиливатимиз», деди Д. Абаев.

Мәҗлистә Президентниң «Келәчәккә нишан: мәнивий йеңилиниш» программилиқ мақалисини хәлиқ ичидә кәң тәшвиқат қилиш ишлири һәққидә «Егемен Қазақстан» җумһурийәтлик гезити» АҖниң башқарма рәиси Дархан Қыдырали һесават бәрди.

Әнди «Қазконтент» АҖ башқарма рәиси Евгений Кочетов болса, «100 йеңи исим» лайиһисигә аваз беришкә 342 миң адәм қатнашқанлиғини ейтти. «Умумән, лайиһә даирисидә сайтимизда 2112 илтимас таллинип, елан қилинди. 15-октябрьдин башланған онлайн аваз беришкә 302 намзат өткән болса, бир ай давамида 342 миң қазақстанлиқ аваз бәрди. Умумхәлиқ аваз бериш нәтиҗисидә 102 намзат талланди һәм 1-декабрь күни Президент Нурсултан Назарбаев билән учришишқа қатнашти», деди Е.Кочетов.

Униң тәкитлишичә, «100 йеңи исим» лайиһиси бойичә иш әнди башланди. Келәчәктә лайиһигә қатнашқучилар тоғрилиқ китаплар, брошюрилар чиқирилип, һөҗҗәтлик фильмлар чүширилиду. Шундақла уларниң иштраки билән түрлүк учришишлар вә жиғинларни уюштуруш мәхсәт қилинмақта.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *