Қытайда «Үкілі домбыра» күй жарысы өтті

Қытайда студенттер арасындағы «Үкілі домбыра» күй жарысы өтті деп хабарлайды 24.kz сайтына сiлтеме жасап kazgazeta.kz

Жаңа жыл қарсаңында Бейжің шет тілдер университетінің мәдениет залын күмбірлеген домбыра үні тербетті.

Шараға қос ішекті аспапты шерте алатын кез келген студентке қатысуға мүмкіндік берілді. Талап бойынша, өнерпаздар алдымен күйдің шығу тарихын баяндап, содан кейін шығарманы орындады.

«Бұл көркем әдеби сөз саптауға септігін тигізеді», – дейді ұйымдастырушылар. Сонымен қатар жастар арасында өнерлі түрлі музыкалық аспаптарды шертетін таланттар көп. «Мақсат сол дарын иелерін сахнаға шығарып, ұлттық дәстүрімізді дәріптегіміз келді», – дейді шараны өткізген Бейжің қазақ жастары бірлестігі. Мерекелік шараға қонақ ретінде қытайлық музыка аспабында ойнайтын өнерпаздар да қатысты.

Айбек Көркемұлы, Бейжің почта және телекоммуникация университетінің студенті:

– Күмбірлеген домбыраның қоңыр күйіменен 2018-дің қақпасын ашып, тіпті де бір тамаша өзімізге тиесілі бір жылды қарсы алу үшін осындай шара орналастырдық. Күй шерте алатын күйшілерге осындай сахна жаратып беріп, соларды сахнаға баулу, тіпті де жоғары деңгейге көтеру үшін осындай шағын қимылмен қамдап отырмыз.




Добавить комментарий

Ваш e-mail не будет опубликован. Обязательные поля помечены *