«Қарымтаға құқымыз бар». Каутондокваның менеджері Қанат Исламмен келісімнің мән-жайын айтты

146

Намибиялық боксшы Уолтер Каутондокваның (18-2, 17 КО) менеджері Нестор Тобиас  қазақстандық Қанат Исламмен (27-0, 21 КО) жекпе-жек туралы ойын айтты.

«Біз он раундты жекпе-жекке келісімшарт алғанбыз. О баста осындай формат болды. Бокс жанкүйерлері үшін тамаша айқас. Бәріне ұнағанына сенімдімін! Қарсыластар жақсы дайындалған және тағы бір жекпе-жек өткізе алады. Әрине тараптар келісе алса. Теңдей өткен жекпе-жектен соң қарымтаға құқымыз бар. Қазақстанда өткізуге де дайынбыз. Жанкүйерлер, теледидар мен демеушілер бұл бастаманы қолдайды деген сенімдемін. Бұл елдегі ең үлкен шаралардың бірі болады.

Кері жағын айтсам, Уолтер үшін бұл нашар түн болды. Бұл төрешілерге енді ары қарай жұмыс істеуге рұқсат бермеу керек едеген ойдамын. Әділ жеңілісті мойындар едік, бірақ, төрешілер Уолтер тек екі раундта басым болды депті. Бұған шынымен келісе аласыз ба? Сонда төрешілер жазбасы бойынша, Уолтер Исламды екі рет нокдаунға түсірсе де жеңілетін еді. Бұл әділ ме?», — дейді Тобиас.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *