«Сәби» қоры мен Kaspi.kz 100 000 тест сатып алуға  200 000 000 теңге бөлді

301

«Сәби» қайырымдылық қорының президенті және негізін қалаушы Әсел Тасмағамбетова мен қордың негізін салушы  Кеңес Рақышев Дәрілік заттарды сараптау орталығына көмектесу мақсатымен 100 000 000 теңгеге коронавирусты анықтауға арналған 50 000 тест сатып алу арқылы көмек көрсетті. Сонымен қатар қор құны 10 000 000 теңгелік тыныс алуға арналған ИВЛ V8600 аппаратын да сатып алады.

Kaspi.kz басқарма төрағасы Вячеслав Ким мен Kaspi.kz басқарма төрағасы Михаил Ломтадзе де бұл мақсатқа 100 000 000 теңге бөлді.

Елде төтенше жағдай және Алматы, Нұр-Сұлтан қалаларында жарияланған карантинге байланысты қиын кезеңде «Сәби» қоры «медициналық жобасының» аясында Қазақстан тұрғындарына көмектесу туралы шешім қабылдады. Kaspi.kz басшылары осы маңызды бастамаға қосылуды дұрыс деп шешті.

Ескерте кетейік, коронавирусты уақытында, алғашқы күндері анықтап, вирусқа қарсы ертерек ем алудың өмірлік маңызы бар. Бұл нақты айтсақ,  инфекцияның таралу жылдамдығын азайтады.

Мұндай жағдайда бизнестің әлеуметтік жауапкершілігі Қазақстан тұрғындарының өмірі мен денсаулығы, ел болашағы үшін маңызды екені сөзсіз.

Covid-19 коронавирусын анықтауға арналған 100 000 дана жедел тест «КДЛ Олимп» ЖШС-не «Олимп» клиникалық-диагностикалық лаборатория базасында тұрғындар арасында тегін тест жүргізу үшін беріледі.

Біздің анықтама: «Сәби» қоры туралы

«Сәби» қоры 2002 жылы құрылған. Оның басты бағыты – балалардың денсаулығы мен табиғи дамуы және рухани даму мен білімнің қолжетімділігі. Өз қызметін қоғамның қорғалмаған бөлігіне бағыттау арқылы «Сәби» қоры жетім балалар мен ата-ана қамқорлығынсыз қалған, әлеуметтік жағдайы төмен отбасылардан шыққан талантты, денсаулығында кінарат бар балалар мен мүмкіндігі шектеулі адамдарға қолдау көрсетумен айналысады.

Біздің анықтама: Kaspi.kz туралы

Kaspi.kz Қазақстандағы ең ірі төлем жүйесі, сауда алаңы мен мақсаты инновациялық өнімдер мен төлем, сатып алу мен жеке қаражатты басқаруды дамытатын қызметтерді жасау арқылы адамдардың өмірін жеңілдетуді мақсат тұтатын Fintech экожүйесін  басқарады. Біз жетекші технологиялар мен ауқымды мәліметтерді сараптаудың жеке тәсілдерін қолдана отырып тұтынушылармен ықпалдасу арқылы бірыңғай алаң қалыптастырамыз. Kaspi.kz экожүйесінің  негізінде айына 6,0 миллион белсенді қолданушысы бар елдегі жетекші ұялы қосымша  Kaspi.kz тұр.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *