Түркістанда төтенше жағдай кезінде 4,5 мыңнан астам азаматтың зейнетақысы үйлеріне жеткізілді

133

Түркістан облысында 4525 зейнеткердің зейнетақысы үйлеріне жеткізілді. Оның 2361-і Түркістан қаласына тиесілі. Бұл төтенше жағдай кезінде мекеме ғимараттарына адамдардың көп шоғырлануын болдырмау мақсатында қолға алынған шара. Бұл туралы «Қазпошта» АҚ Түркістан облыстық филиалының директоры Бақытжан Ысқақ мәлімдеді. 

Ол зейнеткерлерге қызмет көрсету барысында мамандардың санитарлық тазалықты тиісті деңгейде сақтап, барынша азаматтарға қауіп төндірмеу шараларын ұстанғанын айтты.

«Зейнетақыны тарату кезінде барлық қызметкер санитарлық талаптарға сай жабдықталды. Басқарма қызметкерлері, операторлар, хат тасушылар, сұрыптаушылар, көлік жүргізушілері мен инкассаторлардың барлығы дерлік бетперделер, қолғаптар және антисептиктермен қамтылды. Мүмкіндігі шектеулі және жасы 80-нен асқан азаматтарға зейнетақы мен жәрдемақылары мекен-жайларына арнайы сақтық киіммен қамтылған мобильдік топпен жеткізілді. Зейнетақы алушылар да қызмет алу барысында бетперде киіп, адамдардың өзара 2 метр арақашық сақтауы бақылауда болды», – деді Б.Бекболатұлы.
Сондай-ақ, «Қазпошта» АҚ Түркістан облысы бойынша филиалы 94208 азаматқа есепшот ашып, мемлекет тарапынан берілетін 42500 теңге жәрдемақыны алуына жағдай жасады. Бүгінге дейін солардың 20087-сі тиісті қаражатын алған.




ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *