• Айна
• 22 Шілде, 2021

Байқоңыр ғарыш айлағынан "Протон -М" кемесі ұшты

Байқоңыр ғарыш айлағынан Ресейдің «Протон-М» зымыран тасығышы Халықаралық «Ғылым» деп аталатын модульді алып ұшты. Салмағы 20 тонна болатын ғарыш аппараты орбитаға шыққан соң зымыран тасығыштан сәтті бөлініп, халықаралық станцияға бет алды.

Модуль ғарыш станциясына 8 күннен кейін барып түйісуі тиіс. Көп мақсатты аппарат станциядағы Ресей бөлігін ұлғайтып, техникалық мүмкіндіктерін арттырады.

 «Ғылым» модулі Халықаралық ғарыш станциясына 2007 жылы ұшырылуы тиіс болатын. Алайда түрлі техникалық мәслелерге байланысты бірнеше мәрте кейінге шегерілген.