• Айна
• 18 Қыркүйек, 2021

Белгілі журналист Бақытгүл Мəкімбай өмірден өтті

17 қыркүйек күні DAT жобасының атқарушы редакторы Бақытгүл Мәкімбай 59 жасына қараған шағында дүниеден озды. 

Facebook əлеуметтік желісінде ҚР Ақпарат жəне қоғамдық даму министрі Аида Балаева, Президенттің баспасөз хатшысы Берік Уəли жəне Бақыткүл Мəкімбайдың əріптестері , замандастары, оқырмандары қайғырып көңіл айтып, қоштасып жатыр. 

Бақытгүл Мәкімбай 1962 жылы 15 қазанда Шығыс Қазақстан облысында дүниеге келген. Ол өмірін тәуелсіз журналистикаға арнады. «Дат» газеттер жобасында ұзақ жыл қызмет етті.

Қазақстан журналистер одағы сыйлығының және осы одақтың "Алтын медалінің" иегері. Қазақстан патриоттарының "Алмас қылыш" сыйлығының жəне Сорос халықаралық қорының «Батылдық пен табандылық үшін» сыйлығының лауреаты.

"Қазақ газеттері" ЖШС ұжымы марқұмның отбасы мен жақындарына қайғырып, көңіл айтады.