• Айна
• 15 Қыркүйек, 2023

Емханаға тіркеу науқаны басталды

15 қыркүйектен бастап Қазақстанда емханаға тіркеу науқаны басталды. Алматы қалалық қоғамдық денсаулық сақтау басқармасының емдеу-профилактикалық қызмет және мониторинг, талдау, цифрландыру және мемлекеттік қызметтер бөлімінің басшысы Ләйлә Иманғалиева 15 қарашаға дейін алматылықтар қалай және қайда тіркелуіне болатынын түсіндірді, деп хабарлайды kazgazeta.kz.

Спикер өңірлік коммуникациялар қызметінің брифингінде мәлім еткеніндей, Алматыда 76 алғашқы медициналық-санитарлық көмек ұйымы жұмыс істейді, оның 40-ы мемлекеттік және 36-сы жекеменшік. Олардың барлығы тегін медициналық көмектің кепілді көлемі шеңберінде және міндетті әлеуметтік медициналық сақтандыру аясында қызмет көрсетеді.

Екі әдіспен тіркелуге болады: бірінші әдіс - алғашқы медициналық-санитарлық көмек ұйымына тікелей хабарласу, екінші әдіс – «Электрондық үкіметтің» веб-порталы арқылы.

«Айта кету керек, пациенттерге жылына бір ретке дейін еркін таңдау құқығы бойынша науқаннан тыс емханаға тіркелу мүмкіндігі беріледі. Сондай-ақ, жұмыс немесе оқу орны көшкен және ауысқан жағдайларда, сондай-ақ медициналық мекеме таратылған немесе қайта ұйымдастырылған кезде»,- дейді Ләйлә Иманғалиева.

Жеке тұлғаларды МСАК ұйымдарына бекіту МСАК көрсету үшін негіз болып табылады және қағидаттарда жүзеге асырылады:

- отбасылық қызмет көрсету принципі;

- МСАК аумақтық қолжетімділігі;

- МСАК аумақтық қолжетімділігі шегінде медициналық ұйымды еркін таңдау;

- пациенттің медициналық көмектің сапасына қанағаттануы;

- меншік нысанына және ведомстволық бағыныстылығына қарамастан тең құқылы және адал бәсекелестік.

Еңбек мигранттарын тіркеуге келетін болсақ, Ішкі істер органдары беретін уақытша тұруға рұқсат құжат қажет.

«Бұл құжатта шетелдіктің болу мерзімі көрсетіледі, дәл осы мерзімге медициналық ұйым еңбек мигранттарын бекітеді. Тіркеуге сұрау салу дұрыс жасалған кезде көрсетілген мерзім өткеннен кейін шетелдік ұйымнан автоматты түрде тіркеуден шығарылады», - деп түсіндірді маман.